ⵉⴳⴰ ⵓⵙⴳⵓⵎ ⴰⵙⵜⵕⴰⵜⵉⵊⵉ ⵉⵥⵍⵉⵏ ⵙ ⵓⴼⵔⴰⴳ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵙⴳ ⵉⵙⴳⵓⵎⵏ ⵅⴰⵜⵔⵏⵉⵏ ⵏⵏⴰ ⵅⴼ ⵉⵙⵡⵓⵔⵉ ⵓⵙⵇⵇⵉⵎ ⴳ ⵓⵙⵡⵉⵔ ⵏ ⵓⴼⵔⴰⴳ ⴷ ⵓⵙⵡⵉⵔ ⵏ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⵙⵎⵉⵍ ⴰⴷ.
ⵢⵉⵡⵉ ⴷ ⵓⵙⵍⴳⵏ ⵓⵟⵟⵓⵏ 76.15 ⵉⵣⴷⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵜⵜⵉⵡⵉⵏ ⵏⵏⵙ 12 ⴷ 19 ⴰⵙⵔⵓⵙ ⵏ ⵉⵎⵉⵙ ⴰⵏⴰⵎⵓⵔ ⵉⵥⵍⵉⵏ ⵙ ⵓⴼⵔⴰⴳ ⵏ ⵓⴳⴳⵉⴷⵏ ⵉⵍⵍⴰⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⴳ ⵓⵙⴰⵜⵉ ⵏ ⵓⵙⵎⵉⵔⵉⵡ ⵏ ⵜⵡⵓⵔⵉⵡⵉⵏ ⵏⵏⵙ ⴰⵎ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵙⵏ ⴷ ⵡⴰⵔⴰⵢ ⵙⴳ ⵜⵕⵥⵉⵢⵉⵏ ⵉⵥⴹⴰⵕⵏ ⴰⴷ ⵜⵏ ⵍⴽⵎⵏⵜ.
ⵙ ⵓⴱⴷⴷⵉ ⵅⴼ ⵜⵙⵜⵕⴰⵜⵉⵊⵉⵜ ⵏⵏⴰ ⵉⵙⵡⵓⵜⵜⵓⵏ ⵜⴰⵙⵎⵉⴳⵍⵜ ⵏⵏⵙ ⴷ ⵜⴰⵏⵏⴰⵢⵜ ⵏⵏⵙ ⴷ ⵜⵙⴰⵖⵓⵍⵜ ⵏⵏⵙ ⴷ ⵢⵉⴳⵔⴰⵏ ⵏ ⵜⵡⵓⵔⵉ ⵏⵏⵙ, ⵉⵙⵡⵓⵜⵜⵙ ⵓⵙⵇⵇⵉⵎ ⴰⴷ ⵉⴷⵔⵓ ⴳ ⵓⵙⵏⵎⴰⵍⴰ ⴷ ⵡⵓⵜⵓⵢ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ ⵅⴼ ⵜⵎⵢⴰⴳⴰⵏⵜ ⵏ ⵓⵣⵔⴼ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⴳ ⵜⵓⴳⵜ ⵏ ⵢⵉⴳⵔⴰⵏ ⵏⵏⴰ ⵉⵙⵎⵓⵏⵏ ⵉⵣⵔⴼⴰⵏ ⵓⵖⵔⵉⵎⵏ ⴷ ⵉⵙⵔⵜⴰⵏⵏ ⴷ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵉⵡⵏⴹⴰⵏⵏ, ⴳ ⵉⵍⵍⴰ ⵓⵙⵍⵎⴷ ⴷ ⵜⴷⵓⵙⵉ ⴷ ⵜⵡⵓⵔⵉ.
ⴳ ⵓⵎⵏⴰⴹ ⴰⴷ, ⵉⴹⴼⵕ ⵓⵙⵇⵇⵉⵎ ⵜⴰⵡⵓⵔⵉ ⵜⵓⵣⵔⵉⴼⵜ ⵏ ⵓⴱⵕⵍⴰⵎⴰⵏ, ⵙⵍⴰⵡⴰⵏ ⴰⴽⴽⵯ ⴰⴹⴼⴼⵓⵕ ⵏ ⵉⵙⵖⵏⵓⵜⵏ ⴷ ⵜⵙⵓⵎⴰⵔ ⵏⵏⴰ ⵉⵣⴷⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⴰⵔ ⵉⵜⵜⵎⵔⴰⵔⴰ ⴷ ⵜⵙⵓⵎⴰⵔ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⵣⴷⵉⵏⵉⵏ ⵙ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⵎⴰⵢⴰ ⵏⵏ ⵙ ⵓⵎⵙⴰⵙⴰ ⴷ ⵓⵙⵙⵉⵔⵓⵡ ⵏ ⵜⵡⵓⵔⵉⵡⵉⵏ ⵏⵏⵙ ⴷ ⵜⵙⵎⵉⴳⴰⵍ ⵏⵏⵉ ⴰⵙ ⵉⵜⵜⵡⴰⴼⴽⴰⵏ, ⵉⴷⴷⵖ ⵍⴰⵏⵜ ⵜⵉⵏⴷⵉ ⴳ ⵓⵏⴰⴳⵔⴰⵡ ⵓⵣⵔⵉⴼ ⵍⵍⵉⵖ ⴳⴰⵏ ⴰⵙⴰⴷⴼ ⴰⴷⵙⵍⴰⵏ ⵏ ⵓⴼⵔⴰⴳ ⵓⵍⴳⵉⵏ ⴷ ⵓⵙⵣⵎⵔ ⵉ ⵓⵙⵎⵉⵍ ⴰⴷ ⵢⴰⵡⴹ ⵉⵣⵔⴼⴰⵏ ⵏⵏⵙ ⵉⴷⵙⵍⴰⵏⵏ.
ⵉⵙⵏⵎⴰⵍⴰ ⵓⵙⵇⵇⵉⵎ ⵉⵏⵎⵓⵇⵇⴰⵔⵏ ⴷ ⵜⵙⴰⵡⵓⵔⵉⵏ ⵏ ⵓⵎⴹⴰⴽⴰⵕ ⵏ ⵜⵙⵓⵎⴰⵔ ⵏ ⵉⵙⵍⴳⵏⵏ ⵖ ⵜⵍⵍⴰ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⵏ ⵓⵙⴰⵜⵉ ⵓⵟⵟⵓⵏ 97.13 ⵉⵣⴷⵉⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⴷ ⵜⵏⴽⵔⴰ ⵙⵉⵙⵏ, ⴷ ⵜⵙⵓⵎⵔⵜ ⵏ ⵓⵙⵍⴳⵏ 10.03 ⵅⴼ ⵡⴰⴷⴰⴼⵏ, ⵉ ⵜⴷⵔⴰⵡⵜ ⴳ ⵓⵙⴱⵖⵔ ⵏ ⵓⵎⵔⴰⵔⴰ ⵓⵍⴳⵉⵏ ⴷ ⵓⵣⵔⴼⴰⵏ ⵅⴼ ⵉⵙⴽⵉⵍ ⴷ ⵡⴰⵔ ⴰⵙⵏⵓⵃⵢⵓ ⴳⴰⵏⵉⵏ ⴰⵎⵏⵣⴰⵢ ⵉⵏⵎⴰⵍⴰⵏ ⴳ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵓⴼⵔⴰⴳ ⵏ ⵓⴳⴳⵉⴷⵏ ⵉⴷ ⴱⵓ ⵓⵎⵎⵓⵄⴹⵕ, ⴰⴼⴰⴷ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵏⴼⵔⵓⵜⵉⵏ ⵉⵣⵎⵔⵏ ⴰⴷ ⵉⵙⵙⵓⵊⴷ ⴰⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⴷ ⵓⵙⴷⵓⵙ ⵏ ⵜⵣⵎⵔⵜ ⵏ ⵓⵙⵎⵉⵍ ⴰⴷ ⴽⵓⴽⴹⵏⵉⵏ ⵅⴼ ⵜⴷⵔⴰⵡⵜ ⵜⴰⵎⴳⴳⴰⵢⵜ ⴷ ⵜⵎⵢⴰⴳⴰⵏⵜ ⴳ ⵜⵓⴷⵔⵜ ⵜⴰⵎⴰⵜⴰⵢⵜ.
ⴳ ⵓⵎⵏⴰⴹ ⴰⴷ, ⴷⴰ ⵉⵜⵜⵏⵄⴰⵕ ⵓⵙⵇⵇⵉⵎ ⵅⴼ ⵓⵙⵎⵀⵍ ⵉⵙⵎⴷⵏ ⵉ ⵜⵥⵉⴹⵕⵜ ⵜⵓⵍⴳⵉⵏⵜ ⵉⵖ ⵉⴳⴰ ⴳ ⵓⵙⵡⵉⵔ ⵓⵣⵔⵉⴼ ⴰⵏⴰⵎⵓⵔ ⵏⵉⵖ ⴰⵙⵎⵣⴰⵣⴰⵍ ⵏⵉⵖ ⴳ ⵓⵙⵡⵉⵔ ⴰⵏⴰⵡⴰⵢ ⴰⴳⵔⴰⵖⵍⴰⵏ ⵉ ⵜⵙⵉⵍⴰⵡⵜ ⵏ ⵓⵖⴰⵡⴰⵙ ⴰⴽⴰⵢⵍⴰⵍ ⴰⴼⴰⴷ ⴰⴷ ⵢⵉⵍⵉ ⵓⴱⵓⵢ ⴰⴽⴷ ⵓⵏⴳⵔⴰⵡ ⵏ “ⵜⵙⵏⵓⵔⴰⵢⵜ” ⴷ ⵓⵙⵔⵓⵙ ⵏ ⵓⵏⴳⵔⴰⵡ ⵏ “ⵜⵡⵉⵙⵉ” ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⵉⴷⴷⵖ ⵉⴳⴰ ⴰⵣⵔⴼ ⴰⵕⵚⵍⵉ ⵏ ⵓⵙⵎⵉⵍ ⴰⴷ, ⴷ ⵓⵔ ⵉⵜⵜⵡⴰⵣⵎⴰⵔ ⴰⴷ ⵉⵜⵜⵡⴰⵏⴽⴰⵕ ⵏⵉⵖ ⴰⴷ ⵉⵜⵜⵡⴰⴳⵯⴷⴰⵍ ⵏⵉⵖ ⴰⴷ ⵉⵜⵜⵡⴰⴽⵔⴰⴼ ⵖ ⵓⵙⵡⵉⵔ ⴰⵏⴰⵎⵓⵏ ⴷ ⵓⴷⵍⵙⴰⵏ ⵙ ⵜⵎⵏⵜⵉⵍⵜ ⵏ ⵓⵎⵎⵓⵄⴹⵕ.
ⴳ ⵜⵙⴳⴰ ⵢⴰⴹⵏ, ⴷⴰ ⵉⵜⵜⵏⵄⴰⵕ ⵓⵙⵇⵇⵉⵎ ⵅⴼ ⵓⵙⵓⵖⵏ ⵏ ⵜⵓⵎⵙⵉⵙⵜ ⵏ ⵉⵙⵍⴳⵏⵏ ⴷ ⵉⴹⵕⵉⵚⵏ ⴷ ⵜⵖⵜⴰⵙⵉⵏ ⵉⵣⴷⵉⵏ ⵙ ⵓⵣⵔⴼ ⴳ ⵓⵙⵍⵎⴷ ⴰⵎⵙⵉⴷⴼ, ⵉⴷⴷⵖ ⵉⴳⴰ ⴰⵣⵔⴼ ⴰⵎⵙⵣⵎⵔ, ⴷ ⵉⵙⴱⴷⴰⴷⵏ ⵏ ⵜⵎⵜⵜⴰ 24 ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵎⴽⵍⵍⵉ ⵉⵜⵜⵙⴷⴷⵉⴷ ⵅⴼ ⵓⵙⵓⵖⵏ ⵏ ⵓⵙⵔⵓⵙ ⵏ ⵉⵏⴰⵡⴰⵢⵏ ⵉⵏⴰⵎⵓⵔⵏ ⵉⵥⵍⵉⵏ ⵙ ⵜⵎⵙⵙⵏⵜⴰⵢ ⴷ ⵜⵎⵔⵙⴰⵍ ⵏ ⵓⵙⵡⵓⵔⵉ ⵉ ⵓⵙⵓⵊⴷ ⵏ ⵜⵡⵏⵏⴰⴹⵜ ⴷ ⵢⵓⵙⴰⵏ ⵉ ⵓⵙⵡⵓⵔⵉ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ.
ⵜⵉⵎⵉⵔⵉⵏ
